教你应该點样摆脱晚睡强迫症

我由大学开始就一直熬夜晚瞓,越晚越精神,一直到毕业出嚟做嘢,返工基本都喺度混,周末瞓到下午嚟补眠。后来发现身体慢慢顶唔住,饮食无规律,人越嚟越瘦,黑眼圈越嚟越严重,但係都无方法调整过嚟,甚是苦恼。如此恶性循环断断续续到2016年,我係2013毕业嘅。晚晚唔到一两点基本唔愿意去瞓觉。

image

一次偶然睇到一篇关于睡眠嘅文章。文中提到點样提高睡眠质量同埋點样摆脱失眠,于是乎尝试按照佢嘅方法去改善睡眠,我宜家十一点无论天打雷劈都忍唔住要瞓觉?,一觉瞓到朝早七点,神清气爽,意气风发。总之健康嘅睡眠确实对人有好处噶。

为咗帮助似我噉瞓唔着觉嘅人,我决定将嗰篇文章内容同大家简述几点,相信呢个会对你哋有所帮助,只要你坚持一星期就有健康舒服嘅睡眠了。

一、晚瞓係事关你唔想瞓,唔想瞓係因为精神,精神係因为你日头瞓太多,呢个就係恶性循环,所以首先做嘅就係教一个闹钟,朝早八点起床,必须起身,如果你连呢个都做唔到噉就冇无谓睇落去啦。

二、起身之后要远离卧室,避免你顶唔住又继续瞓,令今日一日充实啲,最好係被迫到哪怕瞌眼瞓都唔允许,直到晚黑12点。呢个时候你可能都係瞓唔着,因为你个生物钟畀你觉得宜家应该係你最精神嘅时候了,唔好急住,睇第三条。

三、瞓之前先沖个热水涼,渌下对脚,唔好讲太多说话,唔好睇太激动嘅电影,都唔好上网,畀自己有个安静舒适嘅环境,饮啲薰衣草茶(帮助睡眠),然之后躺喺床上,如果你都仲係瞓唔着,睇第四条。

四、躺落之后,从脚趾开始用力,保持大概七到八秒时间,放松,然之后小腿用力,放松,由脚到番面嘅每一块肌肉用力放松,大概几分钟,你即刻会感到特别有睡意,而且可以迅速瞓着,呢个方法我个人用嚟中午休息都几好嘅,可以令你瞬间有睡意,啱晒无法快速进入睡眠甚至乎每日只有几粒钟休息时间嘅工作狂人。

五、从第一条开始做起,坚持一星期,你就唔需要再教闹钟噶啦,因为你都唔会再晚瞓啦。

贴士:第一日係最难顶嘅,我只可以同你讲方法,若果你唔去做,边个都帮你唔到。多谢各位!

您须先 登录 再评论
3 评论数
1 回复数
0 订阅数
 
最多回复
最热门
3 评论者
粤小鲜Louis.w蒂欧娜白天不懂夜的黑 近期评论者
  邮箱订阅  
最新 最旧 得票最多
将会通过邮箱提醒您:
游客

怎么没有 回复 别人的 功能了

蒂欧娜
游客

您的博客拥有旺盛的生命力!!

白天不懂夜的黑
游客
白天不懂夜的黑

这个很有作用[/流汗]